مغاربة العالم يهربون من عطلة داخل الوطن.. وزارة السياحة في سبات عميق!
مغاربة العالم يهربون من عطلة داخل الوطن.. وزارة السياحة في سبات عميق!
في الوقت اللي كانت الحكومة كتسنى فيه الصيف كفرصة ذهبية لإنعاش السياحة اللي كانت متعطشة للانتعاش، جاء الواقع يفضح خلل كبير. عشرات الآلاف من مغاربة العالم اختاروا يقضيو عطلتهم الصيفية خارج البلاد، وفضلوا يقصدوا بلاد الجوار الأوروبي، عوض وطنهم المغرب.
هاد الاختيار ماشي صدفة، هو ضربة موجعة لقطاع السياحة اللي كان أصلاً يعاني من هشاشة تنظيمية وغلاء فاحش فالثمن ديال الفنادق والمطاعم وحتى وسائل النقل.
الوزارة اللي مكلفة بالسياحة، بدات تكتفي بالصمت، وكأنها غائبة على أرض الواقع، ما عندها حتى خطة واضحة أو إجراءات فعالة لتحفيز الجالية المغربية على زيارة بلادها.
هذا الفراغ خلى الجالية تتجه نحو دول اللي كتقدم خدمات سياحية بجودة أحسن، وبثمن أقل، خصوصاً إسبانيا، البرتغال، إيطاليا وحتى تركيا. السؤال الكبير هو: فين وزارة السياحة من هاد المشهد؟
الغريب فعلاً هو غياب الرؤية الحكيمة لتنظيم الأسعار، وكيفاش الوزارة ما قدراتش تحط يدها على المشكلة وتنظم السوق باش ترد الأمور لنصابها، وتحمى السياحة من جشع المضاربين والغلاء المفرط اللي ولا عائق أمام السياح.
تقارير رسمية من المندوبية السامية للتخطيط كانت واضحة فتنبيهها على الغلاء الفاحش اللي ضاعف من معاناة المواطن وقلص من قدرته الشرائية، ولكن يبدو أن هذه التقارير لم تحرك ساكناً في الوزارة.
الخسارة مش فقط مالية، بل أكبر من ذلك بكثير.. ثقة الجالية المغربية فوجهتها الأصلية تتراجع بسرعة، واللي كانت محسوبة من ركائز الاقتصاد الوطني، وليها أثر نفسي عميق عند هؤلاء. رجوع العطلة صيفاً أصبح مكلف نفسياً، واللي هو مؤشر خطير ما خاصش يتجاهل.
هل ستتحرك الوزارة عاجلاً قبل أن يتحول العزوف الموسمي إلى مقاطعة مستمرة؟ ولا غادي نبقاو نشوفوها كتتفرج بلا حراك، والمحاسبة كتتأجل كما العادة؟
